HOLIDEI YAGEUKA KILIO, DUMA WAMGEUZA KITOWEO MWANAMKE WA KIINGEREZA SAUZI

• Mwanamke,60, atiwa meno na duma kwa dakika tatu, mumewe atimua, apozi sehemu kuchukua picha za tukio
• Ana bahati hajapoteza jicho, wasema madaktari
• Meneja wa sehemu hiyo awatetea duma, asema walijua ni mida michezo. 

Bi. Violet D'Mello, sekunde chache kabla hajaonjweshwa shubiri.

Bi.Violet D'Mello, 60, alikuwa akigalagazwa vumbini na duma mkubwa baada ya kuingia kwenda kuingia eneo lililohifadhiwa wanyama pori ambapo watalii huja kupiga picha na wanyama hao.

Mama huyo wa miaka 60 toka Uingereza, alikuwa holidei na laazizi wake Bw. Archie, 64, wakati alipopata suluba hiyo mara alipojikuta chini huku duma wakimtafuna kichwani, tumboni na miguuni. 

Bi. Violet, ambaye mara baada ya tukio alikimbizwa hospitalini anasema shughuli ilikuwa hevi na ilitokea fasta. ‘Ghafla nikajikuta nimewekwa kati, mara wakaanza kunitafuna kichwani’, alisema.

 

‘Nilirushwa ardhini, nikazuga kama nimekufa. ‘Wanaume’ wakaendelea kunitia meno miguuni vizuri tu.’

Mmoja wa walinzi wa eneo hilo alifanikiwa kumtimua duma mmoja kutoka kwa Bi. Violet, wakati anahangaika na mwingine, mara aliyetimuliwa akajumuika tena kwenye gemu. Wakamtupa tena chini mama huyo na kuendelea kuigombea miguu yake kwa hari, kasi na nguvu zaidi.

Kundi la watalii likajitokeza na kuwavuta duma, Bi. Violet  akapata upenyo, pamoja na kuwa na mwili mkubwa, Bi. Vai alikuwa mwepesi kama kishada,  akamwaga mbio na kupenya kwenye kageti kadogo.

Jambo la kushangaza, mume wa Bi. Violet, Bw. Archibald, msala ulipoanza tu akala kona, akaenda kusimama sehemu na kuanza kuchukua snepu za tunda lake wakati linagalagazwa.

Baada ya kashikashi, meneja wa mahala hapo, Mike Cantor alimkimbiza Bi. Vailet hospitalini ambako alishonwa nyuzi kadhaa kichwani na kutibiwa majeraha karibu na jicho na mguuni.

Hatari: Duma akitafiti ili kujua kama Bi. Violet analika

Jana(juzi), Bi. Vailet aliliambia gazti la Herald la Sauzi kwamba, lilikuwa ni tukio la dakika chache lakini lilitisha. 'Walikuwa wanaonekana kama wamepagawa. Wenye shauku na ghafla hali ya hewa ikachenji tena haraka sana. Holidei ikageuka kuwa kizaazaa', alidai Bi Vai.

Mtaalamu wa wanyama wakali, Bw. Graham Kerley, toka Centre for African Conservation Ecology, amewataadharisha watalii kuwa duma ni hatari zaidi kwa watoto kuliko watu wazima, amewashauri wazazi kutosogeza watoto karibu na mnyama huyo.

Mkasa wa Bi. Violet umetokea hivi karibuni wakati walipokuwa wanakula holidei yao sehemu ya kuhifadhia wanyama pori ya Kragga Kamma karibu na mji wa Port Elizabeth huko kwa Mzee Madiba.

Bi.Violet akiwa taabani huku ‘vidume’ vikijadiliana jinsi ya kuanza shambulizi lingine

Bw. D'Mello, mume wa Bi. Violet, ambaye alikula kona wakati wa mshikemshike, ameelezea kilichowatokea baada ya kulipa randi 50 ili wakawaone duma kwa ukaribu.

Anasema: Tulifika mahala hapo na kulikuwa na duma wawili. Kulikuwa na ubao wa matangazo ukisomeka; 'unaweza kuwasogelea wanyama hao kwa msaada wa wafanyakazi wa eneo hilo.'

‘Tuliona poa, tukaamua kuwasogelea, duma walikuwa wametulia. Mbali na sisi kulikuwa na familia nyingine yenye mtoto’, alisema Bi Vai.

‘Msindikizaji wetu alikuwa mwanamke, alituambia tunaweza kuwasogelea duma na kuwagusa kiulaini tu. Lakini mama watoto alipowasogelea, duma wale wakaondoka’, aliongeza kusema.

‘Msindikizaje akasema, saa hizi watakuwa wamechoshwa na umati wa watu. Tukaona tuondoke, kabla hata hatujapiga hatua mbili mara duma mmoja akamng’ang’ania mtoto wa kike wa ile familia tuliyokutana nayo pale.

‘Alilia kwa nguvu, tukarudi kujua kulikoni. Mtoto alikuwa ameangukia tumbo lake na duma alikuwa akimng’ata paja’

Shambuli lilichukua karibu dakika tatu na mume ndiye aliyekuwa akikung’uka picha zote hizi!

Bi. Violet alisema alishonwa nyuzi kadhaa kufuatia mshikemshike huo. ‘Lilikuwa tukio la ghafla na sikuweza hata kufurukuta. Daktari aliniambia, kawaida duma huwa anakimbilia tumboni kummaliza nguvu adui yake, kwa hiyo nina bahati kuwa hai.'

'Dume wote walikuwa wanashughulika na mimi sikuwa na la kufanya. Wana kucha kali na walikuwa wana ubavu ajabu’, alidai mama huyo.

.
Cha uwoga, Mr D'Mello, mume wa Bi. Violet, ambaye alikuwa anagonga picha wakati mkewe anashughulikiwa na duma, alisimulia jinsi duma walivyotia jaka moyo na kumfanya atimue mbio na kubaki hajijui akimtazama mai waifu wake akiogelea vumbini.

Alisema: ‘Lilikuwa jambo la ajabu, kuogofya na kuchanganya. Mai waifu wangu alikuwa vumbini na duma alikuwa akimtia meno kichwani na mapajani huku duma mwingine akimkwaruza.’

‘Sikuwa na la kufanya, isitoshe msindikizaji wetu hakuwa hata na bakora ya kujilinda yeye mwenyewe. Nikaona cha kufia nini, nikala kona’

Alisema: ‘Baadae mama mmoja wa mapokezi alisikia kelele akaja na kiboko ambacho msindikizaji wetu alikitumia kuwatishia duma wale.’

Duma kazini

‘Tukio hili limetuudhi sana kwa sababu tulihakikishiwa usalama matokeo yake habari ikawa tofauti kabisa.’

Meneja wa hifadhi ya Kragga Kamma park, Bw. Mike Cantor, aliliambia Herald kwamba hawajui nini kiliwatia upepo duma mpaka wakashambulia watalii. Alisema duma hao wa tumbo moja, wanaoitwa Mark na Monty, wametunzwa na wao toka walipozaliwa na wamepoteza kabisa tabia za wanyama pori.

Kragga Kamma game park ni sehemu ya mtu binafsi huko Sauzi, iliyo katika makazi ya watu ambako pamehifadhiwa wanyama kama nyati, twiga, pundamilia na duma. [Chanzo: Mashirika]